1 | |
AF287b: 17r Ricālü l‑ġayb dāʾiresinüñ aḥvālini beyān ėder mes̱elā ricālü l‑ġayb her // ayuñ qanġı güninde ne mekānda qarār ėderlerse dāʾirede ʿale t‑tafṣīl // qayd olundı imdi her müʾmine lā‑büddür ki dāʾireye naẓar ėdüp // gün ay günleri mūcibince ricālü l‑ġayb ne cānibde vāqiʿ olursa ol // cānibe segirtmeye ve sefere çıqduġı vaqt ḥisāb‑i meẕkūra baqa arqasın // anlardan yaña olmayınca sefere gitmeye zīrā anlara qarşu gitmek yoqdur ve qılıç ve bıçaq // çekmek yoqdur ve ṭaş atmaya ve yola gitmeye ve efşān ėtmeye ve tükürmeye ve bi‑l‑cümle // anlara qarşu edebsizlik ėtmeden ḥaẕer gerekdür ve daḥı [!] kişinüñ kim dünyevī // ve uḫrevī murādı olsa dāʾireye mürācaʿat ėdüp göre ricālü l‑ġayb // her qanġı ṭarafda bulunursa anlara qarşu arqasın vėrüp otura ve eyide // yā ricālü l‑ġayb size ṭayandum benüm murādumı ḥāṣīl [!] eyleñ dėyüp // ricālü l‑ġayb duʿāsın üç yüz kerre oquya murādı ḥāṣīl [!] ola // bi‑iẕni llāhi taʿālā yāḫᵛud ḥavvāsı [?] daḥı [!] oqursañ böyle ėdüp // oquya cümle murādı ḥāṣīl [!] ola bi‑iẕni llāhi taʿālā Allāhu aʿlam |